Seçilənlər

Seçilənlər listiniz boşdur

Səbət

Səbət boşdur

Tariximiz

Təsisçidən

Vaxt dayanmadan gedir - onu saxlamaq və ya uzatmaq, genişləndirmək və ya qısaltmaq mümkün deyil. Amma məyus olmayın - əvəzində vaxta vəzifə, tərtibat, incə naxışlar və lazımi görkəm vermək olar, ən əsası isə durmadan gedən vaxta düzgün yol göstərmək olar!

Dünyada çox gözəl və mükəmməl saatlar var. Lakin onların əsli çox bahalı və yalnız uğur əldə etmiş, varlı adamlar üçündür. Təəssüf ki, uğur yolunda ilk addımlarını atanlara bu saatlar əlçatmazdır... Amma uğurun özü məhz dəyərli və mürəkkəb saatlardan ibarətdir və reala bənzər heç bir saxta saatla əsl uğur qazanmaq mümkün deyil.

Tarix boyu daha yaxşı zaman uğrunda minlərlə gənc öz həyatını qurban verib, bizə görə Şəhid olub, ailələrinin və gələcək nəsillərin uğur qazanıb xoşbəxt yaşaması üçün şərait yaradıblar! Biz daim onlara minnətdarıq və arzularını çin etmək məqsədilə, yaşından asılı olmayaraq, çətinliklərə baxmayıb üfüqləri aşaraq zəhmət çəkib uğur qazanmaq istəyənlərə yeni saat markası yaratdıq - VMF saatlarını - Gələcək Qəhrəmanlar üçün Azərbaycanın ilk saat markasını!

Biz saatlarımızı arzu olunan vəziyyətə gətirmək üçün 2 il vaxt sərf etdik. Dizaynımızın klassik, həmçinin praktiki və estetik cəhətdən cəlbedici olması üçün çoxsaylı dəyişikliklər etmişik. Saatlarımız yüksək keyfiyyətli poladdan, əllə naxışlanmış siferblatdan, seçmə dəri kəmərdən, möhkəm şüşədən hazırlanır.

VMF 20 ildən artıqdır dünyanın qabaqcıl saat ailələrini Azərbaycanda şərəflə təmsil edir. Bu illər boyu yüzlərlə saatşunaslıq təlim kurslarından müvəffəqiyyətlə keçmiş, müxtəlif yaraşıqda, mürəkkəblik və qiymət səviyyəsində saatlarla tanış olmuş, lakin taxmaq istədiyimiz saata rast gəlməmişik. Biz taxmaq istədiyimiz saatın uğur qazanmaq üçün hər zaman ehtiyaclarımıza, biznes və həyat tərzimizə uyğun olmasını istəyirdik! Və nəhayət, belə bir saatı yaratdıq!

 

 

 

Vahid Mustafa yev Fuad oğlu
ANS Şirkətlər Qrupunun Prezidenti