Hər Saat Sizi Düşünərək...

VMF şirkəti 1997-ci ildən Azərbaycan saat bazarının pioneri olaraq, dünya şöhrətli İsveçrə, Yaponiya saat markalarının ölkəmizdə tanınması və sevilməsində, keyfiyyətli və brend saat mədəniyyətininin yaradılmasının təməlində durur.

Artıq 20 ildən çoxdur VMF ən son dəb, texnoloji yeniliklərlə zənginləşdirilən brend saatlarını dünya bazarı ilə eyni anda öz alıcılarına təqdim edir.

VMF şirkətinin yaradılması ANS Şirkətlər Qrupunun Qurucusu Vahid Mustafayevin uzaq görənliyi ilə bağlıdır. Daim innovasiya və yeniliklərin axtarışında olan Vahid Mustafayev bu dəfə saat mədəniyyətinin təməlini qoyaraq, dünya şöhrətli saat markalarını bir araya toplamaq qərarına gəlir.

Uzun illər qiymətcə ucuz olan və yalnız Sovetlər Birliyi tərkibindəki ölkələrdə satılan bir neçə saat markasından daha bahalı və hələ Azərbaycan üçün tanınmayan saatlara keçmək kimi çətinliklərlə üzləşəcəyinə baxmayaraq, o, 1997-ci ildə VMF adlı şirkətini yaradır və özü onun idarəçiliyinin başına keçərək ideyalarını həyata keçirməyə başlayır.

Beləliklə, Azərbaycanda ilk dəfə saat və aksesuarlar sektorunda VMF adlı şirkət fəaliyyətə başlayır.

VMF-in Azərbaycanda təmsil etməyə başladığı ilk saat markası dünya şöhrətli “Swatch Group”a daxil olan “Longines” saat markası oldu.

VMF-in Azərbaycanda təmsil etməyə başladığı ilk saat markası dünya şöhrətli “Swatch Group”a daxil olan “Longines” saat markası oldu. Elə həmin ildə dövrümüzə qədər fəaliyyət göstərən ilk satış məntəqəsi olan “Longines” butikini açdı.

İsveçrənin məşhur “Longines” saat şirkəti ilə uğurlu əməkdaşlığından sonra VMF “Swatch Group”a daxil olan “Breguet”, “Blancpain”, “Glashütte Original”, “Omega”, “Rado”, “Hamilton”, “Tissot”, “Swatch”, “Flik-Flak”, “Hamilton”, “Certina”, “Calvin Klein” kimi dünyanın tanınmış şirkətlərilə öz biznesini daha da genişləndirdi.

2004-cü ildə VMF ilk “Swatch” və “Tissot” butiklərinin rəsmi açılışını etdi. Bu gün artıq Azərbaycan paytaxtının bir neçə nöqtəsində bu brendlərin butik və kioskları uğurla fəaliyyət göstərir.

VMF, həmçinin “Swatch Group”a daxil olmayan, İsveçrə markalarından “Ulysse Nardin”, “Raymond Weil”, “Maurice Lacroix”, “Versace”, “Versus”, “Ferragamo” kimi dünyanın tanınmış şirkətləri ilə öz biznesini daha da genişləndirdi.

2001-ci ildə “Raymond Weil”, 2004-cü ildə “Versace” saat və zinət əşyalarını, 2005-ci ildən “Maurice Lacroix”nı Azərbaycan alıcısına təqdim etdi.

 VMF İsveçrə markaları ilə yanaşı, bazarda Yaponiyanın məşhur saat markalarını da təmsil edir. İlk təcrübə 2005-ci ildə “Casio” saat markası ilə başladı. Daha sonra, 2010-cu ildə “Seiko”, “Pulsar”, 2015-ci ildə “Lorus” və 2017-ci ildə əfsanəvi “Citizen” VMF salonlarının piştaxtalarına çıxarıldı. Beləliklə, VMF dünyaca məhşur olan üç yapon brendinin Azərbaycanda rəsmi təmsilçisi oldu. 2017-ci ilin ortasında “G-Shock” butiki istifadəyə verildi.

 VMF yalnız saat markalarının təmsilçisi deyil; İsveçrənin məşhur “Caran d’Ache” qələmləri, “Wenger” və “Viktorinox” bıçaqları, Amerikanın “Zippo” alışqanları ilə öz biznesini daha da genişləndirib.

Peşəkar həyat və yüksək səviyyəli xidmət, yüksək keyfiyyətli məhsul və beynəlxalq zəmanət, münasib yerlərdə olan müasir satış salonları VMF-in fəaliyyətinin mühüm elementlərindəndir. Məhz bu xüsusiyyətləri onu başqalarından fərqləndirir və uğurlu inkişafının davamlı xarakter almasına şərait yaradır. VMF nəinki Bakıda, eyni zamanda Azərbaycanın ən böyük şəhərlərində də, dizayn və rahatlığı, yüksək xidmət göstərən peşəkar komandası ilə 15-dən çox satış nöqtəsində saat sevərlərə xidmət göstərir. Bu gün VMF şirkəti dünyaca məşhur brendləri bir araya toplayaraq, nəinki butik və salonlarında, habelə onlarla diler şəbəkəsində təmsil olunur və bütün məhsullarına beynəlxalq zəmanət verərək paytaxtımızın bir neçə nöqtəsində yerləşən servis mərkəzləri ilə də alıcılarına xidmət göstərir.

VMF model, estetika, keyfiyyət, funksiya və hörmət daşıyan markaların tək rəsmi nümayəndəsi olaraq, istehlakçı istəyi və ehtiyaclarına görə özünü yeniləyə bilməsi, keyfiyyətli xidmət, müasir və professional idarəetmə ilə Azərbaycan bazarında lider bir markaya çevrilib. VMF saat sektorunda keyfiyyət və inam baxımından üzərinə düşən vəzifəni hər zaman doğrultmaqdadır. VMF özü orijinallığı təmsil edən bir saat brendidir.

1997-ci ildən bu günə kimi daim inkişafda və genişlənməkdə olan VMF şirkəti ali texnologiyalar və elmi tədqiqatlara arxalanan VMF adlı İlk Saat Markası yaratdı.

Yeni saat markasını yaradan zaman Vahid Mustafayev onun bütün dillərdə rahat, səlis səslənməsi, yadda qalması, saatın mexanizmində və siferblatın üzərində gözəl görünməsi üçün ona elə VMF adını verir. Və bu saatları uğur yolunda ilk addımlarını atanlara həsr edir.

O deyir: “VMF şirkəti 20 ildən artıqdır dünyanın qabaqcıl saat ailələrini Azərbaycanda şərəflə təmsil edir. Bu illər boyu yüzlərlə saatşunaslıq təlim kurslarından müvəffəqiyyətlə keçmiş, müxtəlif yaraşıqda, mürəkkəblik və qiymət səviyyəsində saatlarla tanış olmuş, lakin taxmaq istədiyimiz saata rast gəlməmişik. Biz taxmaq istədiyimiz saatın uğur qazanmaq üçün hər zaman ehtiyaclarımıza, biznes və həyat tərzimizə uyğun olmasını istəyirdik! Və nəhayət, belə bir saatı yaratdıq!”.