1997-ci ildən Azərbaycan bazarında məşhur İsveçrə və Yapon şirkətlərinin saat markalarını təmsil edən VMF Şirkəti 2018-ci ildə, yaranışının 21-ci ilində eyni adlı ilk Azərbaycan saat markasını istehsal etdi.

Azərbaycanın ilk saat brendi olan “VMF” kişilər üçün nəzərdə tutulan saat kolleksiyasının elçisi kimi dünya şöhrətli, görkəmli xanəndə Məsum İbrahimovu seçdi

Azərbaycanı muğamları ilə dünya miqyasında tanıdan xanəndələr sırasında Məsum İbrahimovun yeri özünəməxsusdur. O, klassik muğamı ilə, musiqi zövqümüzu milyonlarla insana sevdirə bilib.

Bu amillər Məsum İbrahimovu VMF saatlarının zövq fəlsəfəsinin elçisi etməyə kifayət etdi.

Mənsum İbrahimov vokal sənəti ilə altı yaşından məşğul olmağa başlayıb. 1960-cı ildə Azərbaycanın Qarabağ bölgəsində doğulub. İlk ifalarından böyük uğur qazanıb. 25 yaşında artıq Şərqdə ilk Opera Teatrının solisti olub. Bir neçə beynəlxalq festivalın qalibidir. Orta Şərqin məşhur musiqi janrı olan muğamı dünya miqyasında tanıdan xanəndələr sırasında bu gün Mənsum İbrahimovun yeri özünəməxsusdur. İtaliyanın dünyaca tanınmış Arena di Verona antik teatrında Roma Simfonik Orkestri ilə çıxış edib. Bütün Avropaya yayımlanan “RAI” İtalyan radiosunda birbaşa konsert verib. 2011-ci ildə Danimarkada keçirilən Dünya Musiqi Sərgisi (World Music Expo) festivalında çıxış edərək Avropanı fəth edib. Latın Amerikası musiqiçiləri ilə muğamı yerli musiqi janrları ilə sintez edib. Ümumiyyətlə, Mənsum İbrahimov Orta Şərqin etnik musiqisini Avropa və Amerika melodiyaları ilə sintez edən ən uğurlu muğam ustadı hesab olunur. O, klassik muğamı ilə Orta Şərqin musiqi zövqünü milyonlarla insana sevdirə bilib.

Məhz bu səbəbdən VMF Saatlarının uğur fəlsəfəsinin Elçisi kimi Mənsum İbrahimov seçilib.

Qədim dövrlərdən, əsrlərdən, böyük şəxsiyyətlərdən qalmış mədəniyyət əsəri mənasını verən İRS, keçmişdən gələcəyə qalan adət-ənənə, dəyərlər toplusu kimi tanınan MİRAS, dünyanın şifahi və qeyri-maddi irsinin şah əsəri olan, istər milli, istərsə də ümumbəşəri mədəniyyət üçün yüksək bədii dəyərə sahib MUĞAM, çox əzəmətli, çox iri, güclü və heybətli kimi sifətlərlə tanınan AZMAN, zamanını boşa sərf etmədən, yaşadığı hər anın dəyərini bilən, həyatını düzgün balanslaşdırmağı bacaranlar üçün BALANS, Bakının əvəzsiz incisi, şəhər sakinlərinin və qonaqların ən sevimli istirahət mərkəzlərindən biri olan BULVAR, ilk baxışdan toru xatırladan qolbağı ilə TOR, sevinc, var-dövlət, xoşbəxtlik talismanı sayılan, gözəl zərgərlik nümunələrinin əhəmiyyətli daşı və xanımların çox sevdiyi MİRVARİ  və s. VMF Saat ailəsinin kolleksiyalarının adlarında yer alıb

Məsum İbrahimov VMF saatlarının zövq və dəyərləri özündə cəmləşdirən Muğam, Azman, Tor və Ulduz kolleksiyasının elçisi oldu .

Zövq və ustalıqla işlənən yüksək peşəkar dizaynı, müasir rəng çalarlarını özündə cəmləşdirən və təmiz dəridən hazırlanan kəmərləri ilə bu saat kolleksiyaları tez bir zamanda kişilərimizin qollarını bəzəyəcək və onların sevimli aksesuarına çevriləcəkdir. 2 il müddətində ərsəyə gələn VMF saatları klassik və eyni zamanda praktik və estetik dizayna məxsusdur. Yüksək keyfiyyətli paslanmayan poladdan, əllə naxışlanmış siferblatdan, təbii yolla aşılanmış dəridən hazırlanmış kəmərdən, sapfir kristal saat şüşəsindən və uzun illər tərəfdaşımız olan Yaponiyanın tanınmış Seiko mexanizmləri ilə hazırlanıb.

VMF saatları ilk Azərbaycan  saat brendi olaraq uğurlarınızın zamanını həkk edəcəkdir.

VMF - Uğur saatınızı əldən buraxmayın!