İlin İdman Saatı ADMİRAL - V4125
İLİN İDMAN SAATI – ADMİRAL V4125
28 yanvar tarixində “Fairmont” otel ölkəmizin ilk idman jurnallarından biri olan "Sportsman" jurnalının "Zəfər 2021” Beynəlxalq Yüksək İdman Nailiyyətləri mükafatının təqdimetmə mərasiminə ev sahibliyi edib. Tədbirdə idman ictimaiyyətinin mötəbər nümayəndələri, millət vəkilləri, olimpiya, dünya və Avropa çempionları iştirak ediblər.
Mükafatlandırma mərasimində müxtəlif nominasiyalar üzrə qaliblər təltif olunublar. Tədbirdə Azərbaycanın ilk dəqiq mexanizmlər istehsal edən saat fabriki VMF Natural Frequencies da mükafatlandırılanlar arasında yer alıb.
Fabrikimizin seçilən saat ailələrindən olan “Admiral” V4125 “İlin idman saatı” mükafatına layiq görülüb. Dözümlü karbon korpus və tək istiqamətli bezel “Admiral” V4125 saatını həm daha estetik həm də funksional edib. Beləliklə, “Admiral” kolleksiyası göstərilən səylərin nəticəsində mükafatla taclandırıldı. "Zəfər” beynəlxalq idman mükafatı VMF Natural Frequencies saat fabrikinin Marketinq direktoru Emil Sultanova təqdim edilib.