VMF-in uğur fəlsəfəsinin elçisi - Mənsum İbrahimov ad gününü qeyd edir
Bu gün xanəndə, Azərbaycanın xalq artisti, Prezident mükafatçısı, Azərbaycan Milli Konservatoriyasının professoru Mənsum İbrahimovun ad günüdür. Xalq artisti 59 yaşını qeyd edir. M.İbrahimov həm də VMF saatlarının elçisidir. Orta Şərqin məşhur musiqi janrı olan muğamı dünya miqyasında tanıdan xanəndələr sırasında bu gün Mənsum İbrahimovun yeri özünəməxsusdur. İtaliyanın dünyaca məşhur Arena di Verona antik teatrında Roma Simfonik Orkestri ilə çıxış edib. Bütün Avropaya yayımlanan “RAI” italyan radiosunda birbaşa konsert verib. 2011-ci ildə Danimarkada keçirilən Dünya Musiqi Sərgisi (World Music Expo) festivalında çıxış edərək Avropanı fəth edib. Latın Amerikası musiqiçiləri ilə muğamı yerli musiqi janrları ilə sintez edib. Ümumiyyətlə, Mənsum İbrahimov Orta Şərqin etnik musiqisini Avropa və Amerika melodiyaları ilə sintez edən ən uğurlu muğam ustadı hesab olunur. O, klassik muğamı ilə Orta Şərqin musiqi zövqünü milyonlarla insana sevdirə bilib. Məhz bu səbəbdən VMF Saatlarının uğur fəlsəfəsinin Elçisi kimi Mənsum İbrahimov seçilib. Xanəndəni təbrik edənlər arasında VMF şirkəti də olub. Elçisi olduğu şirkətin adından ona professional idmançıların tələblərini qüsursuz şəkildə qarşılamaq məqsədi ilə istehsal edilmiş VMF Azman modeli hədiyyə edilib. Bu model son dərəcə etibarlı xronoqrafa sahib siferblatı, yarış idmançılarının uğur yolunun finiş xəttinə qədər sürətini mükəmməl bir şəkildə ölçmələri üçün imkan yaradır. "Azman" VMF saat ailəsinin idman kateqoriyasında yer almaqdadır. Azman modellərinin xronoqraf funksiyaları istifadə edilmədikləri zaman, adi qurma düyməsi kimi funksionallaşaraq 50 metr statik təzyiqədək sukeçirməzliyi təmin edir. Eyni zamanda İdman uğurlarını meydandan kənar kubar ziyafət zallarında qeyd etmək üçün və ya rəsmilər tərəfindən təltif olunma mərasim və ya qəbullarda vaxt itirməmək üçün Azman Ailəsinin hər bir saatının kəməri dərhal parçadan aliqator dərisinə dəyişdirilə bilir. Xatırladaq ki, Mənsum İbrahimov 1960-cı il oktyabrın 1-də Azərbaycan Respublikasının Ağdam rayonunun İmamqulubəyli kəndində anadan olub. Asəf Zeynallı adına Bakı Musiqi Texnikomu, Şövkət Ələkbərovanın məsləhəti ilə Azərbaycan Dövlət Akademik Opera və Balet Teatrına dəvət edilib. 1993-cü ildən "Leyli və Məcnun" operasında Məcnun rolunu oynayır. Hazırda əksər tamaşalarda aparıcı partiyaları ifa edir. "Leyli və Məcnun" operasında Məcnun, "Aşıq Qərib"də Qərib, "Gəlin qayası"nda Camal, "Sevil"də Azançı rollarını ifa etmişdir. Opera səhnəsindəki fəaliyyəti ilə bərabər həm də xalq və bəstəkar mahnıları, muğamların gözəl ifaçısıdır. O, 2010-cu ildə Azərbaycan prezidentinin sərəncamına əsasən “Şöhrət” ordeni ilə təltif olunub, prezident mükafatına, 1 may 2017-ci ildə Azərbaycanın Respublikası Prezidentinin fərdi təqaüdünə layiq görülüb.