Seçilənlər

Seçilənlər listiniz boşdur

Səbət

Səbət boşdur

Xəbərlər

Orxan Mammedov

Biznes
Noyabr 21 2020

VMF-in “Qarabağ Azərbaycandır!” kolleksiyasından olan saatlar indi ən tələb olunan aksesuarlardandır.

Azərbaycanın II Qarabağ, Vətən müharibəsindəki zəfərinə həsr olunan, ilk milli saat fabriki VMF-in istehsal etdiyi “Qarabağ Azərbaycandır!” kolleksiyasından olan saatlar indi ən tələb olunan aksesuarlardandır. Aparılan sorğulara görə, Azərbaycan istehlakçısı üçün qiymət və keyfiyyət olduqca qəbulediləndir. 
Bununla bağlı VMF Fabrikinin direktoru Orxan Məmmədov danışır: "Dünyada hər bir məhsulun qiyməti onun keyfiyyəti, kəmiyyəti və tələbatına görə formalaşır. VMF şirkəti Azərbaycanda 30 ildir keyfiyyətli məhsul idxalçısı kimi tanınır və sözsüz ki, öz məhsulunun istehsalına başlayanda, ilk Milli Saat Fabriki quranda Azərbaycana və Azərbaycanlılara layiq yalnız keyfiyyətli məhsulun istehsalını özünə hədəf tutmuşdu! Bir vacib amili qeyd edim ki, yerli bazar üçün məhsul istehsal etməzdən əvvəl istehsalçılar əhalinin alıcılıq qabiliyyətini nəzərə almalıdır. Məhz bu səbəbdən bizim Təchizat və İstehsalat Departamentlərimiz dünya bazarlarını araşdıraraq keyfiyyətli, lakin qiymət baxımdan sərfəli, ən qabaqcıl və tanınmış istehsalçılardan xammal axtarıb tapdılar ki, sonda satış qiyməti alıcı üçün əlverişli olsun.
VMF saatları bu gün dünyada orta sinif üçün istehsal olunan və eyni keyfiyyətə malik “Longines” və “Rado”dan 6 dəfə, “Tissot” və “Seiko”dan 3 dəfə aşağı qiymətə təklif olunur.
Məhz keyfiyyət və qiymətinə görə Azərbaycanın Milli Saat Fabriki olan VMF-in istehsal etdiyi saatları bu gün dünyanın bir neçə ölkəsinə ixrac olunur. Xarici ölkələrdə Azərbaycanın adını qaldırmaq hər bir azərbaycanlı kimi bizim də əsas prioritetərdən biridir! Biz, VMF olaraq Azərbaycanımızı keyfiyyətsiz mal anbarı kimi görmək istəmirik, lakin eyni zamanda daim qiymət haqqında, onun daha sərfəli olması istiqamətində çalışırıq. Biz VMF saatlarına 3 il zəmanət veririk. Bizim istehsal etdiyimiz Milli Azərbaycan məhsulunu – VMF saatlarını bütün alıcılarımız və onların nəvə-nəticələri də, in şa Allah, istifadə edəcək!".