Seçilənlər

Seçilənlər listiniz boşdur

Səbət

Səbət boşdur

Xəbərlər

Mədəniyyət
Fevral 28 2022

Xocadan dərs almayan şagird savadsız qalır.

Bu saatlarda Qarabağdakı ermənilərin birləşmiş hərbi dəstələri, Ermənistandan gələn hərbi hissələr və Xankəndidə yerləşən Rusiyanın 366 moto-atıcı alayı general A.Tadevosyanın rəhbərliyi altında Xocalıya hücum başladı. Nəticədə 63-ü uşaq, 106-sı qadın, 70-i qoca və qarı olmaqla, 613 Xocalı sakini qətlə yetirilib, 8 ailə tamamilə məhv edilib, 25 uşaq hər iki valideynini, 130 uşaq valideynlərindən birini itirib.

Həmən nəticəni Azərbaycanın Milli Qəhrəmanı Çingiz Mustafayev çəkdi və Moskvada təşkil etdiyi mətbuat konfransında bütün dünyaya çatdırdı.

Bəs həmən hücum zamanı Xocalıda nə baş verirdi? Rəhmətlik atamın tapşırığı ilə mən 2012- ildə XOCA bədii filmini çəkdim. Film baş vermiş hadisələr, sağ qalmış 250 nəfər Xocalı sakinindən müsahibə və 2700 səhifə sənədlər əsasında çəkilib. Filmin bədii həllini mən XX-ci əsrin əvvəlində 1-ci dünya müharibəsini uduzaraq, torpaqlarını itirmiş və bu səbəbdən dərin milli depressiyaya duçar olmuş Almaniyada yaranan ekspresionizm janrında həyata keçirdim.

Məhz bu anlar filmi İTV kanalında göstərilməsinin dərin ictimai-marifləndirici və tarixi mənası var. Fürsətdən istifadə edib bu addıma görə başda İTV rəhbəri hörmətli Balakişi müəllim olmaqla bütün İTV kollektivinə təşəkkür edirəm. 

Bundan əlavə, başda Ukrayna səfirimiz Elmira xanım Axundova olmaqla bütün dünyada Xoca filmini göstərən digər səfirlərimizə də təşəkkür edirəm!

Bu gün bütün Bakı və Gəncə kinoteatrlarında Xoca filmi pulsuz nümayiş etdiriləcək - buna görə də öz və ailəmiz adından bütün Park Cinema və Cinema Plus Kinoteatrlarının rəhbərləri və əməkdaşlarına vətənpərvər mövqelərinə görə təşəkkür edirıəm!

Allah Şəhidlərimiz və Qurbanlarımıza, o cümlədən bu faciəni dünyaya çatdıran Çingiz Mustafayevə rəhmət eləsin.

Vahid Mustafa Yev