Favorites

Your favorites list is empty

Shopping cart

Shopping cart is empty

News

Culture
November 03 2021

QARABAĞ AZƏRBAYCANDIR! TƏƏSSÜF Kİ, BU İFADƏNİ HƏLƏ DƏ QƏBUL ETMƏYƏNLƏR VAR...

Bu gün Mais Məmmədov, ANS TV-nin əvəzolunmaz fəxri sədri və ANS Şirkətlər Qrupunun İctimaiyyətlə Əlaqələr Xidmətinin rəhbəri maraqlı bir status paylaşıb (ixtisarlarla):

“Azərbaycanın ilk dəqiq mexanizmlər istehsal edən VMF fabriki yaxşı təşəbbüslə çıxış edib. Azərbaycanın Ali Baş Komandanı İlham Əliyevin rəhbərliyi altında Ordumuzun Ermənistan Silahlı Qüvvələri üzərində möhtəşəm qələbəsini əbədiləşdirmək üçün VMF fabriki “Qələbə Vaxtı” kolleksiyasının istehsalına başladı və düşməndən azad olunan rayonlarımızın adlarını saatlara həkk etdi. Həmin dövrdə, Birinci Qarabağ müharibəsində olduğu kimi, ANS-in də reportyorları ön cəbhədən məlumatları tamaşaçılara çatdırırdı. Arxa cəbhədə isə VMF fabriki gərgin işləyərək, düşmən üzərində zəfər çaldığımız ərazilərin adlarını əbədiləşdirirdi.

Zəfər günü ərəfəsində də VMF fabriki bu saatları nümayiş etdirmək üçün videoçarx hazırlayaraq, onu ölkə telekanallarında nümayiş etdirmək istədi. Lakin maraqlı bir hadisə baş verdi: dövlət kanalı olan AZTV bu çarxı olduğu kimi yayımlamaqdan imtina etdi... və istinad da etdi ki, reklam çarxı AZTV-yə uyğun gəlmir (?). AZTV-nin rəhbərliyi VMF-in "Qələbə Vaxtı" çarxını Mədəniyyət və İdman kanallarında tam, AZTV-də isə ixtisarlarla yayımlanmasını təklif etdi (?). Sual çıxır: əgər bu çarx yayım uyğun deyilsə, niyə ixtisarlarla və ya həmin tv-nin o biri kanallarında tam yayımlana bilər?! Bu mövqe anlaşılan deyil!

Düşmən üzərində möhtəşəm qələbə müasir Azərbycan tarixində yeni səhifə yazdı! Azərbaycan bu gün təkcə neft-qaz istehsal edən ölkə deyil, biz gəmi tikirik, kosmosu fəth edirik, magistral yol çəkirik və… əvvəllər yalnız İsveçrə, Yaponiya və s. ölkələrdən aldığımız dəqiq mexanizmləri indi özümüz, Azərbaycanlılar istehsal edir…”

Bundan sonra AZTV Mais müəllimə belə bir cavab verdi (ixtisarla):

“Reklam kanalların əsas maliyyə mənbələrindəndir və hər bir kanal gəlir əldə etmək üçün reklamın verilməsində maraqlıdır. Lakin VMF şirkətinin hazırladığı reklam çarxı həm zəif olduğundan, eyni zamanda multiplikativ xarakter daşıdığından reklamın AzTV-də efirə təqdim olunması sədr tərəfindən məqbul bilinməyib. Bir qədər dəyişiklik etmək, xüsusən də Vətən müharibəsinin əsas şüarı olan “Qarabağ Azərbaycandır” sözlərinin qol saatları fonunda primitiv şəkildə getməməsi şərtilə Mədəniyyət və İdman TV-də verilə bilər” deyilib".

Və icazə versəniz, bu barədə öz fikirimi də bildirmək istəyirəm:

Əzizim Mais müəllim, mən də sizin kimi AZTV-nin şinelindən çıxmışam k, inkişaf edə bilim. AZTV-nin bugünkü rəhbəri Rövşən Məmmədli və bu qurumun bir çox əməkdaşlarını şəxsən tanıyır və onlara hörmət edirəm. Yaxşı adamlardır. Sadəcə, AZTV-nin bizi ordan uzaqlaşdıran bir sıra qaydaları var ki, onları hər adam başa düşə bilmir. Gənc vaxtlarımda, 90-cı illərdə, AZTV-də “Dalğa” proqramında süjetlər hazırlayanda elə bilirdim ki, bu qurumun rəhbərləri millətə sui-qəsd edirlər və xalqı avam etmək istəyirlər. Sonralar isə ordan uzaqlaşıb ANS yaradandan və AZTV rəhbərləri ilə yaxından tanış olandan sonra anladım ki, heç bir sui-qəsd yoxdur – AZTV-nin işçiləri çox savadlı, peşəkar, Vətənini, xalqını sevən adamlardır. Sadəcə, onların başının üstündə duran kuratorlar - televiziyadan və ümumiyyətlə, yaradıcılıqdan uzaq olan məmurlar onları bir çox hallarda istəmədiyi vəzifələri icra etməyə məcbur edirlər. Və mən anladım ki, bu çox dəhşətli bir həqiqətdir. Bu gün AZTV güclü əlaqə vasitəsidir və çox təəssüf ki, AZTV televiziyaçılığın cəmiyyətdəki rolunu anlamayanların və bu səbəbdən öz işinə məsuliyyətsiz yanaşanların əlindədir. Bir də təkrar edirəm: TV əlaqə vasitəsidir, təsir yox! Görünür, Əli Həsənov kimi məmurların dağıdıcı təsiri bizə hələ də dərs olmadı…

Vəziyyət o yerə gəlib çıxıb ki, bu gün rəhmətlik Nizami Gəncəvi sağ olsaydı, o, bizimlə bir zaman, məkan və şəraitdə yaşasaydı, kitab bir yana, film və televiziya üçün də əsərlər yaza bilərdi. Və bəlkə hətta AZTV-yə zəng edib onları inandırmağa çalışardı ki, Bəhramın 7 gözəllə sevişmə səhnələri mütləqdir və Azərbaycan qanunvericiliyinə ləkə salan qarışıq cinsi əlaqələrin propaqandası deyil… Əksinə, bəşəri-məmur səviyyəsində qaralama protokollardan çox-çox uzaq olan, zövqlə yazılan dirçəliş yoludur - qaradan ağa keçən yol! Acınacaqlı hal odur ki, hələ XII əsrdə Nizami Gəncəvi tərəfindən tam şəkildə izah olunan kobud şəhvətdən çıxıb mənəvi cəhətdən işıqlanmış məhəbbətə aparan yola bir sıra həlledici vəzifələrdə əyləşən məmurlarımız hələ çata bilməyib. Bu keçid mistik və kosmik bir yoldur və insan ruhunu qaranlıqdan saflığa çıxara bilir. Bütün nağıllarda olduğu kimi, sonda Bəhram bu cür savadsız və satqın, xalqını soyan məmurların cəzasını verir, lakin bu sona çatına qədər nə qədər yaradıcı talelər məhv olur, nə qədər dahilərin başı vurulur.

Narahat olmayın, əzizim Mais müəllim, bu gün Çərşənbə axşamıdır və biz hələ "Qırmızı planet" adlanan Marsdayıq…

AZTV-nin daxili qərarı, Azərbaycanın ilk Dəqiq Mexanizmlər İstehsal edən VMF fabrikinin məhsulu haqda istifadə etdiyi, ziyalılara yaraşmayan ifadələri və s. ilə hüquqşunslarımız Bayramdan sonra məşğul olacaq. Rəhmətlik Heydər Əliyev deyərdi ki, bayram qabağı insanların əhval-ruhiyyəsini pozmazlar…

VMF isə işləməkdə davam edir və biri-birindən gözəl saatları ilə Azərbaycan Xalqını bu gözəl, Qələbə bayramımızla təbrik edir! Televizora baxan azlıq sözsüz ki, AZTV-də gedən müxtəlif reklamları dəfələrlə görüb... Hörmətli Dostlarımdan xahişim budur - gəlin, AZTV-də getməyən, onların təbirincə, “primitiv” olan VMF Saat fabrikinin “Qələbə Vaxtı” videoçarxına birlikdə baxaq!

 

<br /><iframe style="border: none; overflow: hidden;" src="https://www.facebook.com/plugins/video.php?height=314&amp;href=https%3A%2F%2Fwww.facebook.com%2FVahidMustafaYevANS%2Fvideos%2F634646017705019%2F&amp;show_text=false&amp;width=560&amp;t=0" width="950" height="550" frameborder="0" scrolling="no" allowfullscreen="allowfullscreen"></iframe></p>