Seçilənlər

Seçilənlər listiniz boşdur

Səbət

Səbət boşdur

Xəbərlər

VMF cəsur döyüşçülərini mükafatlandırdı

Mədəniyyət
Yanvar 29 2021

VMF cəsur döyüşçülərini mükafatlandırdı

2020-ci il sentyabrın 27-dən noyabrın 10-dək davam edən II Qarabağ Vətən müharibəsində  müzəffər Azərbaycan Ordusu düşmən üzərində parlaq qələbə qazandı. 30 ilə yaxın həsrətində olduğumuz torpaqlarımız Şanlı Ordumuzun əsgərlərinin qanı və canı bahasına işğaldan azad olundu, ölkəmizin ərazi bütövlüyü bərpa edildi.

Torpaqlarımızın işğaldan azad edilməsi uğrunda müqəddəs savaşda iştirak etmək üçün minlərlə Vətən övladı ilə bərabər, “Döyüş alnınıza yazıllıb” devizi ilə fəaliyyət göstərən ANS Şirkətlər Qrupuna aid VMF şirkətinin cəsur əməkdaşları da könüllü ordu sıralarına yazılmış və səfərbərliyə cəlb olunmuşdular. Onlar cəbhədə döyüşdükləri müddət ərzində VMF şirkəti onların ailələrii himayəsinə götürüb, ərzaq məhsulları ilə təmin edib və əmək haqqlarını artıraraq, ödəyiblər. 

Şanlı ordumuzun qalib əsgərləri kimi qayıdan VMF əməkdaşları şirkətin təsisçisi, I Qarabağ müharibəsinin qazisi Vahid Mustafayev tərəfindən qiymətli hədiyyələr və pul mükafatları ilə təltif olundular. Vahid Mustafayev bildirib ki, VMF sözü gedən əməkdaşlarının daim qayğısına qalacaq.

Bundan əlavə, Vahid Mustafayev onu da bildirib ki, Milli Qəhrəman Çingiz Mustafayev adına Fond qayğıya ehtiyacı olan bir neçə şəhid ailəsinə təqaüd ayırıb.

Qeyd edək ki, VMF şirkəti II Qarabağ Vətən müharibəsi dövründə Azərbaycanın il milli saat fabrikində “Qələbə vaxtı” adlı xüsusi kolleksiya istehsal etmişdi.