Seçilənlər

Seçilənlər listiniz boşdur

Səbət

Səbət boşdur

Xəbərlər

Təranə Muradaova VMF saatlarının siması seçildi

Mədəniyyət
Noyabr 19 2018

Təranə Muradova VMF saatlarının siması seçildi

1997-ci ildən Azərbaycan bazarında məşhur İsveçrə və Yapon şirkətlərinin saat markalarını təmsil edən VMF Şirkəti 2018-ci ildə, yaranışının 21-ci ilində eyni adlı ilk Azərbaycan saat markasını buraxdı.

Azərbaycanın ilk saat brendi olan “VMF” qadınlar üçün nəzərdə tutulan saat kolleksiyasının elçisi kimi dünya şöhrətli rəqqasə, baletmeyster Təranə Muradovanı seçdi.

VMF saatlarının zəriflik fəlsəfəsinin elçisi olaraq, dünya amfiteatrının incisi Təranə Muradovadan başqasını göz önündə canlandırmaq mümkün deyil. O, həyat verdiyi milli, etnik və beynəlmiləl rəqslərlə milyonlarla insanın qəlbini fəth edərək gənc yaşlarından inanılmaz uğur qazanıb. Təranə Muradovanın zərifliyi, gözəlliyi, zövqlülüyü, peşəkarlığı, müasirliyi və uğurları onu VMF saatlarının elçisi seçdirib. Təranə Muradova 1965-ci ildə Azərbaycanın paytaxtı Bakı şəhərində doğulub. İlk peşəkar rəqsini 15 yaşında nümayiş etdirib. İtaliyanın məşhur La Skala Opera Teatrı və UNESCO-nun Parisdəki mənzil-qərargahında dəfələrlə etnik rəqslər ifa edib. Fransız bəstəkar Jorj Bizenin “Karmen” operasının qəhrəmanının ifaçısıdır. Moskvanın “Böyük Teatr” səhnəsində tanınmış bəstəkar Polad Bülbüloğlunun “Eşq və ölüm” baletində çariçanı oynayıb. Rəqs sənətinə verdiyi töhfələrə görə dəfələrlə mükafatlar alıb və böyük şöhrət qazanıb. 

Qədim dövrlərdən, əsrlərdən, böyük şəxsiyyətlərdən qalmış mədəniyyət əsəri mənasını verən İRS, keçmişdən gələcəyə qalan adət-ənənə, dəyərlər toplusu kimi tanınan MİRAS, dünyanın şifahi və qeyri-maddi irsinin şah əsəri olan, istər milli, istərsə də ümumbəşəri mədəniyyət üçün yüksək bədii dəyərə sahib MUĞAM, çox əzəmətli, çox iri, güclü və heybətli kimi sifətlərlə tanınan AZMAN, zamanını boşa sərf etmədən, yaşadığı hər anın dəyərini bilən, həyatını düzgün balanslaşdırmağı bacaranlar üçün BALANS, Bakının əvəzsiz incisi, şəhər sakinlərinin və qonaqların ən sevimli istirahət mərkəzlərindən biri olan BULVAR, ilk baxışdan toru xatırladan qolbağı ilə TOR, sevinc, var-dövlət, xoşbəxtlik talismanı sayılan, gözəl zərgərlik nümunələrinin əhəmiyyətli daşı və xanımların çox sevdiyi MİRVARİ  və s. VMF saat ailəsinin kolleksiyalarının adlarında yer alıb.

Təranə Muradova VMF saatlarının zəriflik və qadınlığı özündə cəmləşdirən Mirvari, Miras, Bulvar  kolleksiyasının elçisi oldu .

Zövq və ustalıqla işlənən yüksək peşəkar dizaynı, müasir rəng çalarlarını özündə cəmləşdirən və təmiz dəridən hazırlanan kəmərləri ilə bu saat kolleksiyaları tez bir zamanda qadınlarımızın qollarını bəzəyəcək və onların zövqünə zövq qatacaqdır.

2 il müddətində ərsəyə gələn VMF saatları klassik və eyni zamanda praktik və estetik dizayna məxsusdur.

Yüksək keyfiyyətli paslanmayan poladdan, əllə naxışlanmış siferblatdan, təbii yolla aşılanmış dəridən hazırlanmış kəmərdən, sapfir kristal saat şüşəsindən və uzun illər tərəfdaşımız olan Yaponiyanın tanınmış Seiko mexanizmləri ilə hazırlanıb.

VMF saatları ilk Azərbaycan saat  brendi olaraq uğurlarınızın zamanını həkk edəcəkdir.

VMF - Uğur saatınızı əldən buraxmayın!